Պրեմիեր Լիգայի 26-րդ տուրի այսօրվա վերջին խաղում «Արսենալը» հյուրընկալել էր 10-րդ հորիզոնականում գտնվող «Էվերթոնին»։
«Զինագործները» ջախջախիչ հաղթանակ տարան սեփական հարկի տակ։ Հեթ-տրիկի հեղինակ դարձավ Աարոն Ռեմսին, մեկական անգամ էլ գոլերի հեղինակ դարձան Լորան Կոսելնին և թիմի նորեկ Պիեր Էմերիկ Օբամեյանգը։ «Էվերթոնի» միակ գոլն էլ 64֊րդ րոպեին խփեց Դոմինիկ Կալվերտ֊Լյուինը։
Ավելացնենք, որ իր լավագույն հանդիպումներից մեկն անցկացրեց Հենրիխ Մխիթարյանը՝ դառնալով 3 գոլային փոխանցման հեղինակ։ Այս հաղթանակից հետո «Արսենալը»՝ վաստակած 45 միավորով կշարունակի մնալ 6-րդ հորիզոնականում։
Գոլեր․ Ռեմսի՝ 6ր, 19ր, 74ր, Կոսելնի՝ 14ր, Օբամեյանգ՝ 37ր, Կալվերտ-Լյուին՝ 64ր։
