«Բարսելոնան» բացահայտել է Սեսկ Ֆաբրեգասին «Չելսիին» վաճառելու պատճառը: Կատալոնական ակումբը հայտնել է, որ իսպանացի կիսապաշտպանն ամեն հաջորդ մրցաշրջանում ավելի վատ էր խաղում:
Հինգշաբթի օրը պաշտոնապես հաստատվեց Ֆաբրեգասի տեղափոխությունը «Չելսի»: «Բարսելոնան» իր սանին վաճառեց ավելի էժան, քան գնել էր «Արսենալից», և դա ունի իր պատճառը:
-Ակումբում նրա վիճակագրությունը տարեց տարի վատանում էր: Նա այլևս չէր միանում գրոհներին և գոլեր չէր խփում: Երեք մրցաշրջանների վերջին 24 խաղերում նա խփել է համապատասխանաբար մեկ, վեց և մեկ գոլ: Ինչ որ պատճառով, մրցաշրջանի երկրորդ հատվածում նա այնքան լավը չէր, որքան առաջինում,- ասվում է իսպանական գրանդի պաշտոնապան հայտարարության մեջ:
