«Մանչեսթեր Յունայթեդի» դարպասապահ Դավիդ Դե Խեան մեկնաբանել է տեղեկությունն այն մասին, թե նա հնարավոր է տեղափոխվի «Բարսելոնա»:
-Միշտ հաճելի է, երբ անունդ կապում են «Բարսելոնայի» հետ: Սակայն ինձ ամեն ինչ գոհացնում է «Մանչեսթեր Յունայթեդում», քանի որ սա աշխարհի լավագույն ակումբներից մեկն է:
Օրեցօր ես ավելի երջանիկ եմ դառնում այստեղ: Այնպես որ չեմ մտածում ակումբից հեռանալու մասին,- հայտնել է Դե Խեան:
Հիշեցնենք, որ օրերս հայտնի դարձավ, որ «Բարսելոնան» փորձել է ձեռք բերել «մանկունյանցիների» դարպասապահին: Կատալոնական ակումբը Վիկտոր Վալդեսին փոխարինող է փնտրում: Վալդեսը որոշել է չերկարաձգել պայմանագիրը կատալոնացիների հետ:
