«Մանչեսթեր Յունայթեդի» գլխավոր մարզիչ Էրիկ Տեն Հագը խոստովանել է, որ իր ակումբը կարող է բարձր գին վճարել, եթե այս մրցաշրջանի արդյունքներով չհայտնվի Չեմպիոնների Լիգայում:
Անցած ամռանը խոշոր գումար ծախսելուց հետո «Յունայթեդը» չկարողացավ ձմեռային տրանսֆերային պատուհանի ժամանակ ոչ ոքի հրավիրել՝ նույնիսկ վարձակալական հիմունքներով:
«Յունայթեդի» երկրպագուները մեծ հույսեր են կապում, որ առաջիկա ամռանը թիմի վերակառուցումը կշարունակվի, հատկապես սըր Ջիմ Ռաթկլիֆի ժամանման լույսի ներքո:
Այնուամենայնիվ, Չեմպիոնների Լիգայում չհայտնվելը կարող է «Յունայթեդին» արժենալ ավելի քան 100 միլիոն ֆունտ, ուստի Ռաթկլիֆը հիանալի հասկանում է, թե «սատանաների» համար որքան կարևոր է ներխուժել Պրեմիեր Լիգայի լավագույն քառյակ:
-Պարզ է, որ Չեմպիոնների Լիգայում խաղալը շատ կարևոր է։ Մենք նույնիսկ կարիք չունենք դա քննարկելու։ Ինչ ազդեցություն կունենա դա: Ես չգիտեմ. դու ավելի շատ ֆինանսական ներուժ կունենաս, եթե հայտնվես Չեմպիոնների Լիգայում, և դա մեր նպատակն է, բացարձակապես, – Տեն Հագի խոսքերն է մեջբերում է Daily Mirror-ը:
Ավելացնենք, որ այս պահին «Յունայթեդը» Թոփ-4-ը եզրափակող «Տոտտենհեմից» 9 միավորով է հեռու, բայց մեկ խաղ քիչ է անցկացրել:
