«Տոտտենհեմի» գլխավոր մարզիչ Անդրե Վիլաշ-Բոաշը հուսով է, որ Մայքլ Դոուսոնը և Գարեթ Բեյլը կկարողանան թիմին օգնել շաբաթ օրը «Ստոկ Սիթիի» դեմ խաղում:
Բեյլը վնասվածքի պատճառով բաց թողեց Պրեմիեր Լիգայում «Տոտտենհեմի» վերջին երկու խաղերը: Նրա բացակայությունը վճռորոշ դեր ունեցավ «Էվերթոնի» հետ խաղի վրա: Սակայն արդեն վաղը ուելսցին մարզումներին կմասնակցի ողջ ծրագրով:
Երկար ժամանակ բացակայում էր նաև Մայքլ Դոուսոնը: «Ստոկի» դեմ խաղում կարող է իր վերադարձը նշել նաև Բենուա Ասու-Էկոտոն:
-Մայքլը և Բեյլը կվերադառնան հաջորդ շաբաթ: Էկոտոյի վերադարձն էլ հեռու չէ: Անցած խաղում դաշտ վերադարձավ նաև Սքոտ Պարկերը: Նա շատ կարևոր խաղացող է մեզ համար: Նրա վերադարձը մեծ բոնուս է,- ասել է պորտուգալացի մարզիչը:
