«Տոտտենհեմի» գլխավոր մարզիչ Անգե Պոստեկոգլուն գովաբանել է իր ավագ Սոն Հին Մինին, ով օգնեց թիմին 2-1 հաշվով հաղթանակ տանել «Բրայթոնի» դեմ:
Այս շաբաթվա սկզբին Հարավային Կորեայի հետ ավարտելով Ասիայի գավաթի խաղարկությունը՝ Սոնն անմիջապես վերադարձավ լոնդոնյան ակումբի կազմ և կես ժամ խաղաց շաբաթ օրը կայացած Բրայթոնի դեմ խաղի ընթացքում:
Իսկ ավելացված ժամանակի վեցերորդ րոպեին Սոնը հնարավորություն ստեղծեց Բրենան Ջոնսոնի համար, ով կամային հաղթանակ բերեց Տոտտենհեմին: Հանդիպումից հետո Պոստեկոգլուն չի խնայել հաճոյախոսությունները 31-ամյա հարձակվողի հասցեին։
-Ակնհայտ է, որ «Բրայթոնը» շատ լավն էր, բայց նրանք իսկապես քրտնաջան աշխատում էին խաղի մեջ մնալու համար, և դու գիտեիր, որ նրանք կհոգնեն:
Մենք հնարավորություն ունեինք խաղադաշտ դուրս բերելու երկու հարձակվողական խաղացողների և գիտեինք, որ նրանք վտանգ կներկայացնեն: Դա կարող է հեշտ թվալ, բայց Սոնի փոխանցումը… Նա համաշխարհային մակարդակի խաղացող է, ով դուրս եկավ առանցքային պահի:
Թիմը, որտեղ նա խաղում է, կարող է նրան այլ կերպ օգտագործել, բայց նա համաշխարհային մակարդակի խաղացող է:
Դուք միայն պետք է նայեք նրա ելույթին Պրեմիեր Լիգայում՝ աշխարհի ամենադժվար առաջնությունում, որպեսզի տեսնեք, որ նա միշտ ցույց է տվել իր լավագույնը, անկախ նրանից, թե ինչ ժամանակաշրջան է անցնում թիմը:
Կարծում եմ, որ նույնիսկ այս տարի, նախքան նրա գնալը (Ասիայի գավաթի խաղարկությանը), նա, հավանաբար, լավագույն հարձակվողական խաղացողն էր մրցաշարում: Դա միայն իմ կարծիքն է, իհարկե:
Կարծում եմ, որ մենք լավ գործեցինք նրա բացակայության ժամանակ: Ռիչին (Ռիչարլիսոն) և մյուսները բարելավել են գոլ խփելու ունակությունները, բայց մեզ համար հիանալի է վերջում ունենալ համաշխարհային մակարդակի խաղացող,- Պոստեկոգլուի խոսքերն է մեջբերում The Independent-ը։
