«Չելսիի» ձախ պաշտպան Էշլի Քոուլն ավագի թևկապով Անգլիայի ազգային հավաքականին դաշտ է հանելու չորեքշաբթի երեկոյան կայանալիք իռլանդացիների հետ խաղի ժամանակ:
Ավագի թևկապը պարգևատրում է լինելու 32-ամյա պաշտպանի համար հավաքականի կազմում ավելի քան 100 խաղ անցկացնելու համար: Վաղը կայանալիք խաղն արդեն 102-րդն է լինելու:
-Ֆրենկը միշտ էլ թիմի ավագն է եղել Սթիվեն Ջերարդի բացակայության դեպքում: Ես նշանակեցի նրան, երբ դեռ նոր էի սկսել աշխատել այստեղ: Սակայն հաշվի առնելով վաղվա փաստը՝ Ֆրենկը և ես քննարկեցինք դա: Ֆրենկն ուրախությամբ համաձայնվեց:
Իրականում սա լինելու է նրա 102-րդ խաղը: Ֆրենկն ու ես ուրախ ենք, որ նա է թիմին դաշտ հանելու, սակայն Ֆրենկը մնում է թիմի ավագը,- հայտնել է անգլիացիների գլխավոր մարզիչ Ռոյ Հոջսոնը:
Նշենք, որ բացի Քոուլից, ընդամենը 6 խաղացողի է հաջողվել 100 հանդիպում անցկացնել Անգլիայի հավաքականի կազմում:
