«Մանչեսթեր Յունայթեդի» կիսապաշտպան Քրիստիան Էրիկսենը կոճի լուրջ վնասվածք է ստացել:
Անգլիայի գավաթի 4-րդ տուրում կայացած «Յունայթեդ» – «Ռեդինգ» խաղում, «Յունայթեդը» հաղթանակ տարավ 3-1 հաշվով, սակայն կորցեց Էրիկսենին։
30 ամյա դանիացին վնասվածք ստացավ հակառակորդ թիմի հարձակվող Էնդի Քերոլի հետ բախման արդյունքում և փոխարինվեց ընդմիջումից անմիջապես հետո:
Ինչպես հայտնում է Daily Mail-ը, Էրիկսենը «Օլդ Թրաֆորդից» հեռացել է հենակներով, իսկ ձախ ոտքին հատուկ պաշտպանիչ կոշիկով:
«Յունայթեդի» մարզիչ Էրիկ Տեն Հագը միայն ասաց, որ իր համար «դժվար» է պարզաբանել վնասվածքի բնույթը՝ հորդորելով սպասել խորը հետազոտությանը առաջիկա 24 ժամվա ընթացքում:
