«Չելսիի» գլխավոր մարզիչ Ժոզե Մոուրինյոն կարծում է, որ Անգլիայի ազգային հավաքականը կարող է հաղթել աշխարհի 2014թ-ի առաջնությունը, որը տեղի կունենա Բրազիլիայում:
Ֆուտբոլային շատ փորձագետների կարծիքով, Ռոյ Հոջսոնի սաները աշխարհի առաջնության քարրորդ եզրափակչի հավակնորդ են, սակայն Մոուրինյոն ավելի բարձր է գնահատում «երեք առյուծներին»:
-Անգլիայի՞ հավաքականը. բոլորն ասում են՝ ոչ, ոչ, ոչ: Իսկ ես ասում եմ՝ ինչու՞ ոչ: Ես իսկապես չեմ հասկանում, թե ինչու չեն կարող:
Երբ ես տեսնում եմ ֆուտբոլիստներին և այն ակումբները, որտեղ նրանք հանդես են գալիս, ես չեմ հասկանում, թե ինչու նրանք չեն հաղթում աշխարհի առաջնությունը: Նրանք գիտեն, թե ինչպես խաղալ մեծ ակումբներում, Չեմպիոնների Լիգայում, որտեղ հավանաբար ամենաբարդ ֆուտբոլն է: Նրանք կարող են հաղթել աշխարհի առաջնությունը,- Մոուրինյոյի խոսքերն է մեջբերում Daily Mirror-ը:
