«Չելսիի» գլխավոր մարզիչ Ժոզե Մոուրինյոն կարծում է, որ Ռուսաստանում անցկացրած ժամանակը վատ է անդրադարձել կամերունցի հարձակվող Սամուել Էտո’Օյի վրա:
Եթե «Էվերթոնի» դեմ «կապույտների» կազմում իր առաջին խաղում 32-ամյա Էտո’Օն ակտիվ մասնակցություն ցուցաբերեց, ապա երեկ շվեյցարական «Բազելի» դեմ Չեմպիոնների Լիգայի խմբային փուլի խաղում կամերունցին իրեն չէր գտնում խաղադաշտում:
Մոուրինյոն, ում թիմը երեկ 1:2 հաշվով սենսացիոն պարտություն կրեց, կարծում է, որ «Անժիում» հանդես գալն Էտո’Օյի վրա վատ է անդրադարձել:
-Երբ դու 2-3 տարի խաղում ես մի առաջնությունում, որտեղ բացակայում է մեծ հարթակներում հանդես գալու շարժառիթը, ապա կորցնում ես խաղի հանդեպ հետաքրքրությունը:
Այժմ Էտո’Օն ունի շարժառիթ, նա ցանկանում է խաղալ և հաջողության հասնել: Մենք պետք է սպասենք, մինչև նա վերադարձնի իր դիպուկությունը: Նա հզոր ֆուտբոլիստ է և դեռ շատ գոլեր կխփի,- Մոուրինյոյի խոսքերն է մեջբերում London24-ը:
