«Չելսիի» կիսապաշտպան Ֆրենկ Լեմպարդը մեկնաբանել է «Աստոն Վիլլայի» նկատմամբ տարած խոշոր հաղթանակը: Անգլիայի Պրեմիեր Լիգայի 18-րդ տուրում «Չելսին» 8 անպատասխան գնդակ ուղարկեց «Աստոն Վիլլայի» դարպասը:
-Մենք հիանալի խաղ ցույց տվեցինք: Մեզ օգնեց արագ գոլը: «Չելսին» նորից հաճույք է ստանում,- ասել է Լեմպարդը:
Նա խոսել է նաև Բոբբի Տեմբլինգի ռեկորդը գերազանցելու մասին: Հիշեցնենք, որ Լեմպարդը 131 գոլով դարձավ «Չելսիի» պատմության լավագույն ռմբարկուն Անգլիայի բարձրագույն առաջնությունում:
-Նշանակում է` ես արդեն ծեր եմ: Սա շատ ավելին է նշանակում: Ես հպարտ եմ, որ Բոբբի Տեմբլինգի նման հրաշալի ֆուտբոլիստի ռեկորդն եմ գերազանցում:
Իմ պայմանագի՞րը: Ես այդ մասին չեմ մտածում: Պատրաստվում եմ առաջ շարժվել հանդիպումից հանդիպում: Ուրախ եմ, որ այսպիսի մարզավիճակ ունեմ: BBC
