Լեսթեր-Չելսի 2-0 ( xG 1.26 xG 0.69)
Լեսթերի «Կինգ Փաուեր» մարզադաշտում Չելսին անցկացրեց իր հերթական անատամ հանդիպումը։ Ֆրենկ Լեմպարդի թիմին հասնող քննադատության առյուծի բաժինը ընկնում է այն հանգամանքի վրա, որ թիմը չունի բազային սխեմա, այսինքն չկա այն հիմքը, որի վրա պետք է կառուցվի թիմը։ Մենք առանձին վերլուծությամբ անդրադարձել ենք Լեմպարդի խնդիրներին։
Իսկ Բրենդան Ռոջերսի թիմը իր հերթական հաղթանակի շնորհիվ բարձրացավ Պրեմիեր Լիգա աղյուսակի առաջին հորիզոնական։ Գուցե կարճ ժամանակով, քանի որ մյուս թիմերը դեռ իրենց հանդիպումները չեն անցկացրել, մասնավորապես մանչեսթերյան թիմերը և Լիվերպուլը, բայց, ամեն դեպքում, Լեսթերը ցույց է տալիս ֆուտբալային Անգլիային, որ չի կարելի իրենց անտեսել։
