• Աստոն Վիլլա
  • Արսենալ
  • Բորնմուտ
  • Բրայթոն ընդ Հոուվ Ալբիոն
  • Բրենտֆորդ
  • Էվերթոն
  • Լեսթեր Սիթի
  • Լիդս Յունայթեդ
  • Լիվերպուլ
  • Կրիստալ Փելես
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Նոթինգհեմ Ֆորեստ
  • Չելսի
  • Սաութհեմպտոն
  • Վեստ Հեմ Յունայթեդ
  • Վուլվերհեմպտոն Ուոնդերերս
  • Տոտտենհեմ Հոտսպուր
  • Ֆուլհեմ

Կլոպը կոչ է անում «Լիվերպուլին» երեք միավոր տալ, եթե «Մանչեսթեր Յունայթեդի» երկրպագուները խափանեն հանդիպումը

«Լիվերպուլի» գլխավոր մարզիչ Յուրգեն Կլոպը կոչ է արել տեխնիկական պարտություն տրամադրել «Մանչեսթեր Յունայթեդին», եթե «կարմիր սատանաների» երկրպագուները կրկին խափանեն հանդիպումը։

Անցյալ ապրիլին Պրեմիեր լիգայի «Յունայթեդ»-«Լիվերպուլ» խաղը խափանվեց երկրպագուների բողոքի պատճառով, որը վերածվեց անկարգությունների: Այդ խաղը հետաձգվեց, իսկ մի քանի շաբաթ անց Կլոպի սաները ամեն դեպքում հաղթեցին 2-4 հաշվով։

Երկուշաբթի օրը «Լիվերպուլի» Մանչեսթեր այցից առաջ «Յունայթեդի» երկրպագուները ևս մեկ հանրահավաք կանցկացնեն, որին կմասնակցեն 10,000 մարդ: «Կարմիր սատանաների» երկրպագուները չափազանց վրդովված են մրցաշրջանի աղետալի մեկնարկից, տրանսֆերային շուկայում վատ ելույթներից և ակումբում Գլեյզերների ընտանիքի ընդհանուր վիճակից:

Մտավախություն կա, որ նման զանգվածային բողոքի ակցիան խաղաղ չի լինի, սակայն Կլոպը կարծում է, որ վատագույն սցենարի դեպքում հանդիպումը չպետք է վերախաղարկվի։

«Հուսով եմ, որ անկարգություններ չեն լինի, բայց եթե դա տեղի ունենա, ես կարծում եմ, որ մենք պետք է երեք միավոր վաստակենք: Մենք կապ չունենք այս իրավիճակի հետ, և եթե երկրպագուները չեն ցանկանում,որպեսզի հանդիպումը կայանա, մենք չենք կարող պարզապես այն հետաձգել, տեղավորվում է այսպիսի աներևակայելի զբաղված սեզոնում»:

Չեմ կարծում, որ դա (անկարգությունները) տեղի կունենա, և ես իսկապես հույս ունեմ, որ դա տեղի չի ունենա: Բայց ես պատկերացում չունեմ, թե ինչ կլինի և չեմ էլ մտածում այդ մասին։ Մարդիկ ասում են, որ մեզ մոտ ամեն ինչ լավ է լինելու, կգնանք այնտեղ, խաղ կանցկացնենք ու տուն կվերադառնանք։ Բայց նման իրավիճակում, եթե հանդիպումը խափանվում է քո պատճառով, մրցակիցը միշտ պետք է միավորներ ստանա, քանի որ նա դրա հետ կապ չուներ և պատրաստվում էր խաղալ»,- Կլոպի խոսքերն է մեջբերում The Guardian-ը։