«Լեսթերի» կիսապաշտպան Համզա Չաուդհարին վարձավճարով հանդես կգա «Ուոթֆորդի» կազմում։
Չնայած նրան, որ այս տրանսֆերային պատուհանի ընթացքում «աղվեսները» չունեցան ոչ մի նորեկ, դա չի խանգարում «Լեսթերին» բաց թողնել իր խաղացողներին։
«Լեսթերի» գլխավոր մարզիչ Բրենդան Ռոջերսի որոշման համաձայն այս մրցաշրջանում թիմը կարող է հանդես գալ առանց Չաուդհարի, ով սկսած 2017թ-ի սեպտեմբերից մասնակցել է 84 հանդիպման։
Միաժամանակ, «Ուոթֆորդը» ստացավ մրցաշրջանի ավարտին գրենադա-բանգլադեշյան ծագումով 24-ամյա անգլիացուն գնելու հնարավորություն։
