«Մանչեսթեր Յունայթեդի» տաղանդավոր կիսապաշտպան Ադնան Յանուզայն անցած աշնանը մերժել է, իր գործակալի խոսքերով, ՊՍԺ-ի «զարմանալի» առաջարկը:
Հիշեցնենք, որ 19-ամյա Յանուզայը նոյեմբերին «կարմիր սատանաների» հետ մինչև 2018թ նոր պայմանագիր ստորագրեց: Ինչպես այժմ է հայտնի դառնում, այդ պահին Ադնանի շուրջ ստեղծված անորոշ իրավիճակից ցանկանում էր օգտվել ՊՍԺ-ն: Սակայն ֆրանսիական ֆուտբոլի առաջատարը մերժում ստացավ:
-«Մանչեսթեր Յունայթեդի» հետ պայմանագիր ստորագրելուց 5 րոպե առաջ մեզ զարմանալի առաջարկ արեց ՊՍԺ-ն: Փարիզում գիտեին, որ Ադնանը կարող է դառնալ ազատ կարգավիճակով ֆուտբոլիստ և պատրաստ էին առաջարկել այն ամենն, ինչ մենք կցանկանայինք: Ֆինանսական առումով դա հետաքրքիր առաջարկ էր, սակայն գումարը երբեք որոշիչ դեր չի ունեցել Ադնանի կյանքում,- ասել է Յանուզայի գործակալ Դիրկա դե Վրիսը: talkSPORT
