• Աստոն Վիլլա
  • Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Բրենթֆորդ
  • Էվերթոն
  • Լիվերպուլ
  • Լյուտոն Թաուն
  • Կրիստալ Փելես
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Նոթինգհեմ Ֆորեստ
  • Շեֆիլդ Յունայթեդ
  • Չելսի
  • Վեստ Հեմ Յունայթեդ
  • Վուլվերհեմպտոն Ուոնդերերս
  • Տոտտենհեմ Հոտսպուր
  • Ֆուլհեմ

«Յունայթեդը» դարձել է «գերեզմանոց» մարզիչների և ֆուտբոլիստների համար

«Մանչեսթեր Յունայթեդի» լեգենդ Գարի Նևիլն ասել է, որ իր նախկին ակումբը դարձել է «գերեզմանոց» մարզիչների և խաղացողների համար:

Երեքշաբթի երեկոյան Չեմպիոնների լիգայում «Գալաթասարայից» կրած տնային պարտությունը երկարաձգեց «Յունայթեդի» վատ շարքը նոր մրցաշրջանի սկզբում:

Թվում է, թե «Յունայթեդը» վերացնում է բոլոր այն դրական քայլերը, որոնք Էրիկ Տեն Հագի թիմը կատարեց նախորդ մրցաշրջանում, և Նևիլը զգում է, որ խնդիրը համակարգային է և կարիք ունի վերևից շտկվելու:

«Շատ խառնաշփոթ էր, վերելքներ ու վայրէջքներ, վնասվածքներ, շատ խնդիրներ ֆուտբոլային դաշտից դուրս, շատ խնդիրներ ֆուտբոլային դաշտում»:

«Ես շատ եմ ցավում մարզչի համար: Ես գիտեմ, որ շատերը կասեն, որ նա պետք է ավելի լավ աշխատանք կատարի, և դա լավ է, քանի որ նա «Մանչեսթեր Յունայթեդի» մարզիչն է: Բայց մենք պետք է խոստովանենք, որ այս ակումբում մեծ խնդիրներ կան։ Բոլոր մարզիչներն էլ բախվել են դրանց վերջին 10 տարիների ընթացքում: Քանի դեռ այս խնդիրները չեն լուծվել, մենք կշարունակենք տեսնել անարդյունավետ թիմեր, անարդյունավետ խաղացողներ»:

«Այն դարձել է մարզիչների և խաղացողների գերեզմանոց: Ես դա ասել եմ մի քանի տարի առաջ: Արտահայտությունն այնքան էլ կոշտ չէ: Կան հաշված խաղացողներ, ովքեր լավ են աշխատել «Մանչեսթեր Յունայթեդում» վերջին 10 տարում»:

«Երբ նրանք հայտնվում են «Յունայթեդում», շատ խաղացողներ, որոնց ցանկանում էին այլ ակումբներ, չեն հասնում և չեն խաղում իրենց մակարդակով: Ինչո՞ւ է դա այդպես: Քանի որ դա մշակութային խնդիր է: Նրանք պետք է շտկեն դա»,- ասել է Նևիլը Sky-ին տված հարցազրույցում: