Քիչ առաջ «Մանչեսթեր Յունայթեդը» պաշտոնական կայքի միջոցով հայտնեց գլխավոր մարզչի պաշտոնում Ժոզե Մոուրինյոյին նշանակելու մասին։
Ընդամենը 4 օր առաջ «կարմիր սատանաները» խզեցին պայմանագիրը Լուի վան Գալի հետ՝ միաժամանակ հայտնելով, որ նոր մարզչին երկար չենք սպասի։ Ինչպես և սպասվում էր, Ժոզե Մոուրինյոյն վերադարձավ Պրեմիեր Լիգա և 3 տարվա պայմանագիր ստորագրեց մանկունյանցիների հետ։
-Ես շատ ուրախ եմ Պրեմիեր Լիգա վերադառնալու համար։ Ինձ համար մեծ պատիվ է մարզել «Մանչեսթեր Յունայթեդի» նման մեծ ակումբ։ Այն բոլոր ժամանակների լավագույն ակումբներից մեկն է։
Ավելացնենք, որ 53-ամյա պորտուգալացին եվրոպական ֆուտբոլի լավագույն մարզիչներից մեկն է, ով հաղթել է չորս տարբեր երկրների առաջնությունները (Պորտուգալիա, Անգլիա, Իտալիա և Իսպանիա)։ Նա երկու անգամ հաղթել է նաև Չեմպիոնների Լիգան՝ 2004-ին Պորտուի և 2010֊ին Ինտերի հետ։
