«Բրենտֆորդը» ավարտել է «Վուլվերհեմպտոնի» կենտրոնական պաշտպան Նաթան Քոլինսին ձեռքբերման գործընթացը:
Բժշկական հետազոտություն անցնելուց հետո Քոլինսը վեց տարվա պայմանագիր կնքեց «Բրենտֆորդի» հետ, որը ներառում է ակումբի նախաձեռնությամբ երկու տարով երկարաձգելու տարբերակ։
Այսպիսով, Քոլինաը անցած ամառ «Բերնլիից» 20,5 միլիոն ֆունտ ստերլինգով տեղափոխվելուց հետո միայն մեկ մրցաշրջան անցկացրեց «գայլերի» մարզաշապիկով:
Մոլինյուում անցկացրած մեկ մրցաշրջանի ընթացքում 22 ամյա իռլանդացին 31 հանդիպում անցկացրեց՝ օգնելով «Վուլվերհեմպտոնին» Պրեմիեր լիգայում զբաղեցնել 13-րդ տեղը:
«Ես շատ գոհ եմ, որ մենք կարողացանք պայմանագիր կնքել Նաթանի հետ: Նա շատ տաղանդավոր կենտրոնական պաշտպան է և դեռ երիտասարդ է«:
«Նա շատ լավ որակներ ունի, որոնք մենք շատ ենք գնահատում: Նա սառնասրիտ պաշտպան է: Նրա հզոր զենքերից մեկը գլխով խաղն է, ինչը մեծ նշանակություն ունի Պրեմիեր լիգայում«:
«Ինձ դուր է գալիս նաև այն, թե ինչպես է նա վարվում գնդակի հետ: Նա կարող է գնդակով դուրս գալ պաշտպանությունից, և նա նաև սառնասրտություն ունի խաղարկության ժամանակ գրոհին ճիշտ շարունակություն տալու համար»:
«Նա իսկապես լավ բնավորություն ունի, և մենք գիտենք, որ բնավորությունն ամեն ինչ է: Նա կհամապատասխանի մեր մշակույթին, ես դրանում կասկած չունեմ: Ես Նաթանի մեջ ներուժ եմ տեսնում որպես առաջատար: Նա «Բրենտֆորդի» կատարյալ խաղացողն է՝ քաղցած, հավակնոտ և պատրաստակամ սովորել»,- ասել է «մեղուների» գլխավոր մարզիչ Թոմաս Ֆրանկը։
