Մի շարք իտալական պարբերականների համաձայն, «Մանչեսթեր Յունայթեդի» վինգեր Նանին համաձայնվել է տեղափոխվել իտալական «Յուվենտուս»:
Ընթացիկ մրցաշրջանի մեկնարկին «կարմիր սատանաների» նախկին մարզիչ Դևիդ Մոյեսին հաջողվեց Նանիի հետ 5 տարվա պայմանագիր ստորագրել: Սակայն դրանով պորտուգալացի ֆուտբոլիստի մոտ առաջընթաց չգրանցվեց:
Վատ մարզավիճակի, վնասվածքների և վստահության պակասի պատճառով Պրեմիեր Լիգայի ընթացիկ մրցաշրջանում Նանին ընդամենը յոթ անգամ է հայտնեվել «Յունայթեդի» մեկնարկային կազմում: Ընթացիկ մրցաշրջանում Նանին չի դարձել ոչ մի գոլի և գոլային փոխանցման հեղինակ:
Սպասվում է, որ տրանսֆերային պատուհանի բացվելուց հետո 27-ամյա վինգերը կմիանա Իտալիայի չեմպիոններին: Գործարքը գնահատվում է 5 մլն ֆունտ:
Ավելացնենք, որ «Յունայթեդը» Նանիին գնել է 2007թ-ին Լիսաբոնի «Սպորտինգից»՝ վճարելով 14 մլն ֆունտ:
