• Աստոն Վիլլա
  • Արսենալ
  • Բերնլի
  • Բորնմուտ
  • Բրայթոն ընդ Հոուվ Ալբիոն
  • Բրենթֆորդ
  • Էվերթոն
  • Լիվերպուլ
  • Լյուտոն Թաուն
  • Կրիստալ Փելես
  • Մանչեսթեր Յունայթեդ
  • Մանչեսթեր Սիթի
  • Նյուքասլ Յունայթեդ
  • Նոթինգհեմ Ֆորեստ
  • Շեֆիլդ Յունայթեդ
  • Չելսի
  • Վեստ Հեմ Յունայթեդ
  • Վուլվերհեմպտոն Ուոնդերերս
  • Տոտտենհեմ Հոտսպուր
  • Ֆուլհեմ

Նիկ Պոուպը կենթարկվի վիրահատության

«Նյուքասլի» գլխավոր մարզիչ Էդդի Հաուն հաստատել է, որ դարպասապահ Նիկ Պոուպը վիրահատության կարիք ունի և բաց կթողնի մոտ չորս ամիս:

31 ամյա Պոուպը ուսի վնասվածք է ստացել անցած շաբաթ օրը «Մանչեսթեր Յունայթեդի» դեմ կայացած հանդիպման ժամանակ։

Հաուն հենց սկզբից ակնկալում էր, որ իր հիմնական դարպասապահի ուսը կոտրվել է, և խորը հետազոտությունը հաստատեց դա։ Այժմ Նիկի ուսով կզբաղվեն վիրաբույժները:

«Վիրահատությունը դեռ չի իրականացվել, և ըստ մեր ենթադրությունների նա կկարողանա վերադառնալ մոտ չորս ամսից։ Դա մեծ կորուստ է մեզ համար, բայց մեզ համար այս լուրը սպասելի էր»,- Հաուի խոսքերն է մեջբերում The Guardian-ը։

Առաջիկա շաբաթների ընթացքում Հաուն պետք է հույսը դնի 34 ամյա Մարտին Դուբրավկայի վրա։ «Կաչաղակները» հունվարին պետք է որոշեն դարպասապահ հրավիրելու հարցը։

«Մենք իսկապես հավատում ենք Մարտինին և ես միշտ բարձր կարծիք եմ ունեցել նրա մասին: Այո՛, մենք այդ ժամանակ հրավիրեցինք Նիկին, մենք ցանկանում էինք մեծացնել մրցակցությունը և ստեղծել թիմ, որը կարող է մեզ մեծ հաջողությունների հասցնել, բայց Մարտինը շատ բարձրակարգ դարպասապահ է:

Նա հիանալի է հետ մղում հարվածները, նա շատ լավ է խաղում ոտքերով և դիպուկ փոխանցումներ է կարողանում կատարել, այնպես որ ես առանց մեկ վարկյան վարանելու իմ թիմի դարպասները կվստահեմ Մարտինին, և հուսով եմ, որ նա շատ լավ հանդես կգա:

Մենք ոչ մի հարցում կամ որոշում չենք կայացրել հունվարի վերաբերյալ: Այս ակումբի դարպասապահները հնարավորություն ունեն ամրապնդելու իրենց դիրքերը, և դա վերաբերում է բոլորին այստեղ»,- ավելացրել է Հաուն: