«Չելսին» հնարավոր է մեկնի Եվրոպա Լիգայի քառորդ եզրափակչի պատասխան խաղին «Ռուբինի» հետ առանց հայտավորված ձախ պաշտպանի: Այս մասին հայտնում է The Guardian պարբերականը:

Ինչպես հայտնի է, հիմնական ձախ պաշտպան Էշլի Քոուլը դեռ վնասվածք ունի: Նա ծնկատակի ջիլի վնասվածք է ստացել Անգլիայի գավաթի «Մանչեսթեր Յունայթեդի» հետ վերախաղարկման ժամանակ:

Առողջական խնդիրներ ունի նաև Ռայան Բերտրանդը: 23-ամյա ֆուտբոլիստը հարբուխով հիվանդ է և չի մարզվել երեքշաբթի օրվանից: Ռայանի մասնակցության հարցը կորոշվի միայն չորեքշաբթի օրը՝ Մոսկվա մեկնելուց անմիջապես առաջ:

Քոուլի և Բերտրանդի կորուստը կարող է ստիպել «Չելսիի» գլխավոր մարզիչ Ռաֆայել Բենիտեսին պաշտպանության եզրում խաղացնել 18-ամյա հոլանդացի Նատան Ակեին կամ Պաուլո Ֆերեյրային: Վերջինս ընթացիկ մրցաշրջանում գործնականում դաշտ դուրս չի եկել: