Պրեմիեր Լիգայի 34-րդ տուրի կենտրոնական հանդիպումը կայացավ «Սթեմֆորդ Բրիջ» մարզադաշտում, ուր հյուրընկալվել էր «Մանչեսթեր Սիթին»։
«Քաղաքայինները» Սերխիո Ագուերոյի հեթ-տրիկի շնորհիվ վստահ հաղթանակ տարան մրցակցի հարկի տակ։ Արգենտինացի ռմբարկուն Դե Բրյույնեի փոխանցումից հետո հաշիվը բացեց 33-րդ րոպեին, 54-րդ րոպեին կրկնապատկեց հաշիվը, իսկ խաղավարտից 10 րոպե առաջ անվրեպ իրացրեց 11 մետրանոցը։ Ավելացնենք, որ ընթացիկ մրցաշրջանում իր երկրորդ կարմիր քարտը ստացավ Տիբո Կուրտուան։
Այս հաղթանակից հետո Մանուել Պելեգրինիի թիմը՝ վաստակած 60 միավորով բարձրացավ 3-րդ հորիզոնական։
Գոլեր․ Ագուերո՝ 33ր, 54ր, 80ր (11մ)
Հեռացում․ Կուրտուա՝ 78ր։
