Պրեմիեր Լիգայի 2֊րդ տուրի մեկնարկը տրվեց Ուելսի «Լիբերթի» մարզադաշտում, ուր «Սուոնսի Սիթին» հյուրընկալել էր չեմպիոնական պայքարի ֆավորիտներից համարվող «Մանչեսթեր Յունայթեդին»։
Եթե առաջին խաղակեսում «կարապներին» հաջողվեց որոշ չափով դիմադրություն ցույց տալ, ապա նրանք անզոր էին երկրորդում։ Ընդմիջմանը գնալուց առաջ հաշիվը բացեց Էրիկ Բային, իսկ հանդիպման վերջնամասում մեկական անգամ աչքի ընկան Ռոմելու Լուկակուն, Պոլ Պոգբան և Անտոնի Մարսյալը։
Երկրորդ խաղում անընդմեջ երկու գոլային փոխանցում կատարեց Հենրիխ Մխիթարյանը։ Այս հաղթանակից հետո «Յունայթեդը»՝ վաստակած 6 միավորով կշարունակի զբաղեցնել առաջին հորիզոնականը։
Գոլեր․ Բայի՝ 45ր, Լուկակու՝ 80ր, Պոգբա՝ 82ր, Մարսյալ՝ 84ր։
