mnatany.am

Նորություններ

«Տոտտենհեմ» - «Լիվերպուլ» (անոնս)

15.12.2013, 11:12

S-LՊրեմիեր Լիգայի 16-րդ տուրի կենտրոնական հանդիպումներից երկրորդը տեղի կունենա Լոնդոնի «Ուայթ Հարթ Լեյն» մարզադաշտում, ուր միմյանց կհանդիպեն «Տոտտենհեմը» և «Լիվերպուլը»:

 

Մրցաշարային աղյուսակում թիմերին բաժանում է ընդամենը 3 միավոր, ուստի հաղթանակը շատ կարևոր է երկու կողմերի համար էլ: «Լիվերպուլն» ունի առաջնության երկրորդ լավագույն հարձակման գիծը: «Կարմիրները» Պրեմիեր Լիգայի ընթացիկ մրցաշրջանում խփել են 34 գնդակ և այդ ցուցանիշով զիջում են միայն «Մանչեսթեր Սիթիին»: Բացի այդ, «Լիվերպուլում» է առաջնության լավագույնը ռմբարկուն՝ Լուիս Սուարեսը, ով 15 գոլի հեղինակ է դարձել:

 

Ի տարբերություն «Լիվերպուլի», իրենց այսօրվա մրցակիցն աչքի չի ընկնում արդյունավետությամբ: «Տոտտենհեմն» այնքան գոլ է խփել, որքան «Լիվերպուլի» առաջատար Լուիս Սուարեսը:

 

Թիմերն այս հանդիպմանն են մոտեցել հաղթանակներով: Բրենդան Ռոջերսի սաները նախորդ տուրում առավելության հասան լոնդոնյան մեկ այլ ակումբ «Վեստ Հեմի» նկատմամբ, իսկ «Տոտտենհեմը» Եվրոպա Լիգայի խմբային փուլում 4:1 հաշվով հաղթեց ռուսական «Անժիին»:

 

Ընդհանուր առմամբ թիմերը հանդիպել են 157 անգամ և առավելությունը մերսիսայդցիների կողմն է, ովքեր հաղթել են 71 խաղում: 39 անգամ գրանցվել է խաղաղ ելք, իսկ 47 խաղում ուժեղ են գտնվել լոնդոնցիները:

 

Խաղը տեղի կունենա այսօր, Երևանի ժամանակով 20:00-ին:

Մեր կանխատեսումը՝ 2:1:

«Տոտտենհեմ» 1-0 «Մանչեսթեր Սիթի» (տեսանյութ)

15.08.2021, 21:22

«Տոտտենհեմ» 1-0 «Մանչեսթեր Սիթի» (տեսանյութ)

Պրեմիեր Լիգայի 2021/22 մրցաշրջանի առաջին տուրի կենտրոնական խաղում «Տոտտենհեմը» հյուրընկալել էր գործող չեմպիոն «Մանչեսթեր Սիթիին»։

կարդալ...

Իդեալական փոթորիկ «Մերսի» գետի ափին

11.02.2021, 21:50

Իդեալական փոթորիկ «Մերսի» գետի ափին

Մերսիսադյան ակումբի այն խնդիրների մասին, որոնց ակունքը 2019/2020 մրցաշրջանն է։  

կարդալ...