ՖԱ-ն խնդրել է անգլիացի երկրպագուներին, ովքեր պատրաստվում են ներկա գտնվել հինգշաբթի օրը կայանալիք Իտալիայի դեմ խաղին, մարզադաշտ գալ առանց գոտիների։
Հինգշաբթի երեկոյան Նեապոլի Դիեգո Արմանդո Մարադոնա մարզադաշտում կկայանա Եվրո-2024-ի ընտրական փուլի Իտալիա-Անգլիա հանդիպումը։
Իտալական ոստիկանությունն այս հանդիպման համար Անգլիայից ակնկալում է ամուր աջակցություն – արտագնա խաղի համար երկրպագուները գնել են ավելի քան 2500 տոմս:
Բրիտանացիները հատուկ հարաբերություններ ունեն տեղի Նապոլիի լեգենդ Մարադոնայի հետ, բացի այդ, հենց Իտալիան հաղթեց ֆուտբոլի հիմնադիրներին Ուեմբլիում Եվրո-2020-ի եզրափակիչում, ուստի Նեապոլում երկրպագուների միջև բախումների հավանականությունը շատ մեծ է:
Ինչպես հայտնում է Daily Mail-ը, ասոցիացիան հատուկ խնդրել է անգլիացի երկրպագուներին մարզադաշտ գալ առանց գոտիների: Հակառակ դեպքում գոտիները կարող են առգրավվել որպես հնարավոր զենք։
