Մրցավարական կորպուսի ղեկավար Հովարդ Վեբը բացատրել է, թե ինչու է «Նյուքասլի» հարձակվող Անտոնի Գորդանի գոլը «Արսենալի» դարպասը ճիշտ հաշվվել։
Այս մրցաշրջանում ավանդույթի համաձայն՝ Վեբը երկուշաբթի երեկոյան մտավ Sky Sports ստուդիա՝ բացատրելու Պրեմիեր լիգայի վերջին շաբաթների ամենահակասական մրցավարական որոշումներից մի քանիսը:
Անշուշտ, ուշադրության կենտրոնում էր նոյեմբերի 4-ին «Արսենալի» և «Նյուքասլի» դիմակայության ժամանակ գրանցված միակ գնդակը:
Ու թեև «Արսենալի» գլխավոր մարզիչ Միկել Արտետան չափազանց վրդովված էր Գորդանի գոլը հաշվելու որոշումից, Վեբը կարծում է, որ մրցավարն ու VAR-ը ճիշտ որոշում են կայացրել։
«Կարևոր պահ էր: Անսովոր իրավիճակ կար, քանի որ VAR-ը պետք է ստուգում կատարեր միանգամից երեք վիճահարույց դրվագներում: Այդ ստուգումներից էր կախված մրցավարի կատարած նախնական որոշման փոխվելու հարցը:
Մենք տեսնում ենք, որ գնդակը շատ մոտ է եզրային գծին: Մի մոռացեք, որ մենք ունենք նաև եզրային մրցավար, ով գտնվում է ուղիղ գծի վրա: Գնդակի արագությունը եզրային գծի մոտ այնքան էլ մեծ չէ, իսկ եզրային մրցավարը, ով գտնվում է ուղիղ գծի վրա ելակետն ավելի լավ տեսադաշտ ունի, քան մեր տեսախցիկներից որևէ մեկը:
Մենք գիտենք, որ գնդակը կոր է և կարող է կախված լինել գծի վրա, ուստի մեզ անհրաժեշտ է ապացույց, որ այն դաշտի սահմաններից դուրս է եկել: Հաջորդը գալիս է փոխանցումը, և Ժոելինտոնը մտնում է մենապայքարի մեջ: Խախտում հնարավոր է, որ եղած լինի կամ՝ ոչ: Առկա կադրերից VAR-ը որոշում է, որ դա բավարար չէ միջամտելու և ակնհայտ սխալ մատնանշելու համար: Այն փաստը, որ այս իրավիճակի վերաբերյալ կարծիքներն ու վերլուծությունները բաժանված են, հուշում է, որ չմիջամտելու որոշումը ճիշտ էր սուբյեկտիվության պատճառով:
Եվ հետո կա ևս մեկ արտասովոր իրավիճակ, երբ գնդակը գնում է մի խաղացողից մյուսը: Դժվար է որոշել ճշգրիտ պահը, երբ գնդակը հեռանում է Ժոելինտոնից: Այսպիսով, կրկին չկա հստակ ապացույց, որ Գորդանը խաղից դուրս է եղել այդ պահին: VAR-ն անցկացրեց այս վերանայումը և չբացահայտեց հստակ ապացույցներ, որոնք միջամտում էին գոլը չեղարկելու համար: Գործընթացն ինքնին ճիշտ էր»,- ասել է Վեբը:
Վեբը նաև ասել է, որ «Արսենալի» ֆուտբոլիստ Կայ Հավերցը և «Նյուքասլի» ֆուտբոլիստ Բրունո Գիմարայնը պետք է կարմիր քարտ ստանային անվայել խաղի համար:
«Բավականին լարված հանդիպում էր, որի ժամանակ շատ միջադեպեր առաջացան: Բայց կան մի քանի իրավիճակներ, որոնք պարզ են: Հաշվի առնելով մեր կատարած վերլուծությունը, մենք այդ երկու իրավիճակներում էլ կարմիր քարտեր ցույց կտայինք, և մենք ակնկալում ենք, որ դա կշարունակվի այդպես է»,- ավելացրել է Վեբը։
