«Արսենալը» պաշտոնապես հայտնել է «Բարսելոնայի» հարձակվող Ալեքսիս Սանչեսի տրանսֆերը ձեռք բերելու մասին:
Չիլիի ազգային հավաքականի ֆուտբոլիստն աշխարհի առաջնությունում ելույթներն ավարտելուց հետո մեկնեց Լոնդոն, որտեղ հաջող բուժզննում անցավ և երկարաժամկետ պայմանագիր ստորագրեց: Սանչեսի տրանսֆերը «զինագործների» համար արժեցել է 30 մլն ֆունտ:
-Ես շատ ուրախ եմ «Արսենալ» տեղափոխվելու համար: Սա մեծ ակումբ է, որն ունի հիանալի մարզիչ, ֆուտբոլիստներ, երկրպագուներ ողջ աշխարհում և գեղեցիկ մարզադաշտ: Ես անհամբերությամբ սպասում եմ «Արսենալի» հետ Պրեմիեր Լիգայում և Չեմպիոնների Լիգայում իմ առաջին խաղին,- ասել է Սանչեսը:
Ավելացնենք, որ Սանչեսն «Արսենալում» իր նորամուտը կնշի օգոստոսին՝ «Էմիրեյթսի գավաթում»:
