Պրեմիեր լիգայի ակումբները ձմեռային տրանսֆերային պատուհանի ընթացքում 100 միլիոն ֆունտից քիչ գումար են ծախսել նոր խաղացողներ ձեռք բերելու վրա:
Ինչպես հայտնում է Sky Sports-ը, 2023 թվականի հունվարին Պրեմիեր լիգայի ակումբների տրանսֆերների վերջնական ծախսը կազմել էր 780 միլիոն ֆունտ, որը ռեկորդ է հանդիսանում ձմեռային պատուհանի համար։
Այս անգամ ԱՊԼ-ն ծախսել է ընդամենը 96,2 միլիոն ֆունտ, ընդ որում դրա մեկ երրորդը ծախսել է «Կրիստալ Փելեսը», որը 22 միլիոն ֆունտով գնել է «Բլեքբեռնի» կիսապաշտպան Ադամ Ուորթոնին, իսկ «Գենկից» աջ պաշտպան Դանիել Մունյոսին՝ 8.5 միլիոն ֆունտով:
Նոր փակված պատուհանի ամենամեծ ձեռքբերումը կենտրոնական պաշտպան Ռադու Դրագուշինն էր, ում հրավերը «Ջենոայից» արժեցել է 26,7 միլիոն ֆունտ ստերլինգ։
Ընդհանուր առմամբ, Պրեմիեր լիգայի ակումբները պայմանագիր են կնքել 43 նոր խաղացողների հետ՝ կա՛մ մշտական տրանսֆերներով, կա՛մ վարձավճարով, կա՛մ ազատ գործակալի կարգավիճակով:
2019-ին Չինաստանում տեղի ունեցած ֆուտբոլային բումից հետո, առաջին անգամ Պրեմիեր լիգան աշխարհում առաջինը չի տրանսֆերների վրա ծախսած գումարի չափով։ Անգլիայի առաջնությունը զիջեց Ֆրանսիայի Լիգա 1-ին (162 մլն ֆունտ) և Բրազիլիայի Սերիան Ա-ին (123 մլն ֆունտ):
Պրեմիեր լիգայի միակ ակումբը, որին հաջողվել է ինչ-որ մեկին վաճառել, «Աստոն Վիլլան» էր, որը 2 միլիոն ֆունտ ստացավ «Միդլսբրո» մեկնած Ֆին Ազազի համար։
Պրեմիեր լիգայի ակումբների նման զգուշավորությունը ձմեռային պատուհանի ժամանակ պայմանավորված է ֆինանսական ֆեյր-փլեյի կանոններով։ Այս մրցաշրջանում լիգան երեք անգամ համապատասխան մեղադրանք է առաջադրել իր թիմերին, իսկ «Էվերթոնն» արդեն տուգանվել է 10 միավորով։
Հունվարին ակումբների մեծ մասը կենտրոնացած էր ֆուտբոլիստներ վաճառելու վրա՝ ընդհանուր առմամբ հրաժեշտ տալով 150 խաղացողների: Դրանցից 121-ը վարձակալվեցին արտասահմանյան ակումբների կողնից, և «Մանչեսթեր Յունայթեդը» այս գործոնում լավագույնն էր (12 ֆուտբոլիստ):
