«Մանչեսթեր Յունայթեդի» կիսապաշտպան Անդերսոնը հույս ունի վերջ դնել վնասվածքներին և սկսել կանոնավոր խաղալ:
Անգլիայի գավաթի «Ռեդինգի» դեմ խաղը (2:1) Անդերսոնի համար ընդամենը 12-րդն էր ընթացիկ մրցաշրջանում, որ նա դաշտ է դուրս գալիս մեկնարկային կազմում: Մինչդեռ առաջիկայում բրազիլացին ավելի մեծ հնարավորություն կունենա ավելի շատ դաշտ դուրս գալ, քանի որ պաշտպան Ֆիլ Ջոնսը վնասվածք ունի: Անդերսոնը մտադիր է օգտվել այս իրավիճակից:
-Երբ ես երկու քայլ առաջ եմ կատարում, ապա թվում է, որ այնուհետև երեք քայլ հետ եմ գնում: Սա տխրեցնում է, սակայն ես պետք է իմ աշխատանքը կատարեմ: Ինձ անհրաժեշտ է խաղալ և խուսափել վնասվածքներից: Մի քանի խնդիր ունեի: Սակայն երբ ես ազատված եմ այդ խնդիրներից, ես գիտեմ իմ մակարդակը: Գիտեմ, որ ընդունակ եմ խաղալու,- հայտնել է ֆուտբոլիստը: Sky Sports
