«Տոտտենհեմի» գլխավոր մարզիչ Անդրե Վիլաշ Բոաշը իր կարծիքն է հայտնել Պրեմիեր Լիգայի 28-րդ տուրում «Արսենալի» հետ հանդիպման մասին:
-Մենք ցանկանում ենք հաղթել «Արսենալին», որովհետև մեզ համար շատ կարևոր է ամրապնդել մեր դիրքը մրցաշարային աղյուսակում: Շատ կոնկրետ հանդիպում է լինելու, արդյունքն էլ կարող է ամեն ինչ լինել:
Կարծում եմ, որ երկու թիմերն էլ բաց ֆուտբոլ են խաղալու՝ լի զգացմունքներով, ադրենալինով, ամբողջությամբ անկանխատեսելի: Հենց այսպիսի խաղի էլ բոլորս սպասում ենք:
Մեր նպատակն է հնարավորինս շատ միավոր հավաքել: Իսկ «Արսենալի» հետ խաղում մենք հնարավորություն ունենք ավելի մեծացնել տարբերությունը նրանց հետ և ավելի հարմար դիրք գրավել աղյուսակում:
Այնպես որ, սա մեզ համար հնարավորություն է: Խաղացողներն ամբողջությամբ պատրաստ են: Մենք գիտենք, թե ինչի ենք ուզում հասնել մրցաշրջանի ավարտին,- հայտնել է պորտուգալացի մասնագետը:
