«Արսենալը» պաշտոնապես հայտնեց Դորտմունդի Բորուսիայի հարձակվող Պիեր Էմերիկ Օբամեյանգին գնելու մասին։
Տրանսֆերը ռեկորդային է լոնդոնյան ակումբի համար։ «Զինագործները» չեն հայտնել պայմանագրի ժամկետը և հրաժարագինը, փոխարենը դորտմունդյան ակումբը հաստատել է, որ Օբամեյանգի վաճառքն իրենց բերել է ոչ պակաս, քան 64 մլն եվրո։
Օբամեյանգը «Բորուսիայում» անցկացրած 213 խաղում դարձել է 172 գոլի հեղինակ։ «Արսենալում» նա կխաղա իր նախկին թիմակից Հենրիխ Մխիթարյանի հետ։
