«Արսենալի» գլխավոր մարզիչ Արսեն Վենգերը հայտնել է, որ իր թիմը լուրջ ջանքեր է գործադրել «Ստոկ Սիթիի» դեմ խաղում հաղթանակ տանելու համար:
Վենգերի սաները «Ստոկի» դարպասը երեք գնդակ են ուղարկել, երեքն էլ` տուգանայիններից, և հաղթել են խաղն ընդհանուր 3:1 հաշվով: Սակայն այս երեք միավորները, մարզչի կարծիքով, «զինագործներին» հեշտ չեն տրվել:
-Մենք լավ անցկացրինք առաջին խաղակեսը, իսկ երկրորդ խաղակեսում մենք ստիպված էինք ավելի շատ ջանքեր գործադրել: Մենք կորցրել էինք դիպուկությունը, սակայն, ի վերջո, մեզ հաջողվեց շատ կարևոր հաղթանակ տանել:
Ես չէի ակնկալում, որ մենք այսքան գոլեր կխփենք տուգանայիններից, քանի որ «Ստոկի» դեմ խաղերում միշտ դժվար է դա անել: Սակայն փոխանցումները տուգանային հրապարակ գերազանց էին կատարվում:
Վստահությունը և ցանկությունը, որ մենք այժմ ունենք, ամուր հիմք են դնում: Մենք կարողանում ենք գոլեր խփել և շատ գոլային պահեր ստեղծել, և չնայած երկրորդ խաղակեսում մենք մեր ֆուտբոլը չխաղացինք` մեզ հաջողվեց հաղթել,- Վենգերի խոսքերն է մեջբերում Sky Sports-ը:
