«Արսենալի» գլխավոր մարզիչ Արսեն Վենգերը հայտնել է, որ իր թիմը պարտավոր է հաղթել «Վեստ Հեմին» Պրեմիեր Լիգայի 19-րդ տուրի խաղում:
-«Վեստ Հեմի» նկատմամբ հաղթանակը մեզ կենսականորեն անհրաժեշտ է: Մեր դիրքը մրցաշարային աղյուսակում չի կարող չանհանգստացնել: Դժվար է ընդունել սա, որովհետև որակյալ թիմ ունենք, բայց ֆուտբոլում ավելի կարևոր է արդյունավետությունը:
Այժմ էլ ժամանակ չի մնում փորձարկումների համար: Մենք պետք է հենց առաջին րոպեից խաղանք ամբողջ ուժով,- ասել է Վենգերը «զինագործների» պաշտոնական կայքին տված հարցազրույցում:
19-րդ տուրի հետաձգված հանդիպումը տեղի կունենա հունվարի 23-ին:
