«Բերնլին» հայտարարել է «Մանչեսթեր Սիթիի» դարպասապահ Ջեյմս Թրաֆորդին ձեռք բերելու մասին։ Գործարքը գնահատվում է 19 միլիոն ֆունտ ստերլինգ, ներառյալ 4 միլիոն ֆունտ բոնուս:
Թրաֆորդը չորս տարվա պայմանագիր կնքեց «Բերնլիի» հետ և դարձավ Թըրֆ Մուրը ներկայացնող ակումբի ամենաթանկ ձեռքբերումը:
Ինչպես հաղորդում է BBC-ն, «Սիթին» ստացել է Թրաֆորդին հետ գնելու տարբերակ, ինչպես նաև 20 ամյա անգլիացու հետագա վաճառքից 20 տոկոս ստանալու իրավունք:
Թրաֆորդը «Սիթիի» համակարգում է 12 տարեկանից, բայց նա երբեք չի խաղացել առաջին թիմում: Ջեյմսի կարիերայում ամենամեծ հաջողությունը կարելի է համարել Անգլիայի մինչև 21 տարեկանների հավաքականի հետ Եվրոպայի մինչև 21 տարեկանների առաջնության չեմպիոնությունը՝ առանց ոչ մի գոլ բաց թողնելու:
Թրաֆորդի պաշտոնական նորամուտը «Բերնլիի» կազմում նշանակված է հենց «Սիթիի» դեմ օգոստոսի 11-ին:
«Մենք պայմանագիր ենք կնքել չափազանց տաղանդավոր երիտասարդի հետ, ոչ միայն տաղանդավոր, այլև հիանալի բնավորությամբ»:
«Ջեյմսը շատ արտահայտիչ, ինքնավստահ հասուն երիտասարդ է: Մարդկանց մեծ մասը տեսել է, թե ինչի է նա հասել մինչ այժմ իր կարիերայի ընթացքում և տեսել է նրա տաղանդի մակարդակը»:
«Մենք անհամբեր սպասում ենք նրա հետագա զարգացմանը: Նա արդեն այդքան բան է արել, և մեզ հետաքրքրում է, թե որքան հեռու նա կարող է գնալ», – ասել է Կոմպանին:
