«Լյուտոն Թաունը» անգլիական ֆուտբոլային ակումբ է հիմնադրված 1885թ ապրիլի 11-ին Լյուտոն քաղաքում։ «Լյուտոնը» համարվում է հարավային Անգլիան ներկայացնող առաջին թիմը, որը սկսել է գումար վճարել ֆուտբոլիստներին, իրենց ակումբում խաղալու համար։ 1905 թվականից ակումբի տնային մարզադաշտը համարվում է Կենիլուերտ Ռոուդը, որը կարող է տեղավորել 10000-ից ավելի երկրպագու։ Ակումբի հարազատ գույներն են՝ նարնջագույն – սպիտակ – երկնագույն։ Ֆինանսական խնդիրների պատճառով Ֆուտբոլի լիգայի երեք անընդմեջ դիվիզիոններից անկում ապրելուց հետո «Լյուտոնը» հայտնվեց Ազգային կոնֆերենցիայում՝ Անգլիայի հինգերորդ կարևորագույն ֆուտբոլային մրցաշարում։ 2013/14 մրցաշրջանում «Լյուտոնը» հաղթեց այս մրցաշարը և վերադարձավ Լիգա 2: «Գլխագործների» համար ամենահաջող ժամանակաշրջանը համարվում է 1982-1992 թվականները, երբ ակումբը խաղում էր բարձրագույն դիվիզիոնում և կարողացավ նվաճել իր միակ արժեքավոր գավաթը՝ Ֆուտբոլային լիգայի գավաթը՝ 1988 թվականի եզրափակիչում հաղթելով Լոնդոնի «Արսենալին»։ Թիմի մականունը՝ «Գլխարկագործներ», կապված է Բեդֆորդշիրում գլխարկների արտադրության երկար պատմության հետ: