Sky Bet բուքմեյքերական ընկերությունը դադարել է խաղադրույքներ ընդունել Մադրիդի «Ատլետիկոյի» հարձակվող Դիեգո Կոստայի՝ «Չելսի» տեղափոխության համար:
Չեմպիոնների Լիգայում ՊՍԺ-ի դեմ խաղից առաջ «Չելսիի» գլխավոր մարզիչ Ժոզե Մոուրինյոն հերթական անգամ հաստատեց, որ մրցաշրջանի ավարտից հետո իրենք կթարմացնեն հարձակման գիծը:
Պրեմիեր Լիգայի ընթացիկ մրցաշրջանում «Չելսիի» ոչ մի հարձակվող 10 գոլից ավել չի խփել, իսկ լավագույն ռմբարկուն կիսապաշտպան Էդեն Ազարն է (14 գոլ):
Կոստան, ով Լա Լիգայի ընթացիկ առաջնությունում 25 գոլի հեղինակ է դարձել, կարող է ամռանը տեղափոխվել «Սթեմֆորդ Բրիջ»: Լուրեր են շրջանառվում, որ «Չելսին» արդեն սկսել է բանակցությունները:
