«Լիվերպուլի» գլխավոր մարզիչ Բրենդան Ռոջերսը կիրակի կայացած «Սուոնսի» – «Լիվերպուլ» խաղից հետո հերթական անգամ նշել է, որ պատրաստվում են հունվարին նոր ֆունտբոլիստներ գնել: Մարզիչը չի պատրաստվում պարզապես անհրաժեշտ դիրքերի ֆուտբոլիստներ գնել, նրան պետք են բարձրակարգ խաղացողներ:
Ոչ-ոքի արդյունքը «Սուոնսիի» հետ նշանակում է, որ Ռոջերսը ոչ միայն չկարողացավ շրջանցել իր նախկին ակումբին, այլ նաև շարունակում է մնալ մրցաշարային աղյուսակի երկրորդ հատվածում:
Վիճակը շտկելու համար Ռոջերսին պատք են բարձրակարգ ֆուտբոլիստներ:
-Մենք ցանկանում ենք հունվարին բարձրակարգ ֆուտբոլիստներ ձեռք բերել: Ակումբի ղեկավարությունը այդ հարցում ինձ աջակցում է,- ասել է Ռոջերսը:
Բրիտանական թերթերը գրում են նաև այն մասին, որ «Լիվերպուլի» սկաուտները ակտիվորեն հետևում են Դորտմունդի «Բորուսսիայի» վինգեր Քևին Գրոսկրոյցին: Նրանք ներկա են եղել Չեմպիոնների Լիգայի «Այաքս» -«Բորուսսիա» խաղին: Ֆուտբոլիստի տրանսֆերային արժեքը 8 մլն ֆունտ է: Գերմանիայի հավաքականի 24-ամյա խաղացողը իր խաղամակարդակով նման է Նուրի Շահինին, ով վարձավճարով հանդես է գալիս մերսիսայդյան ակումբում: Goal
