«Բարսելոնայի» պաշտպան Դանիել Ալվեսն իր կարծիքն է հայտնել Բրազիլիայի հավաքականում իր թիմակից Դավիդ Լուիզի տրանսֆերի հետ կապված: Դանին կարծում է, որ Լուիզի՝ «Բարսելոնա» տեղափոխությանը խոչընդոտում է «Ռեալի» նախկին մարզիչ Ժոզե Մոուրինյոն:
-Իհարկե հաճելի կլինի նույն ակումբում խաղալ Լուիզի հետ: Ես միշտ իմ ընկերներին խորհուրդ եմ տվել, որ հնարավորության դեպքում տեղափոխվեն «Բարսելոնա»: Դավիդը ոչ միայն իմ լավ ընկերն է, նա նաև շատ լավ ֆուտբոլիստ է: Խնդիրն այն է, որ այդ տեղափոխությանը խոչընդոտում է Ժոզե Մոուրինյոն: Նա չի ցանկանում ուժեղացնել «Բարսելոնայի» կազմը: Այնպես որ, տեղափոխությունը բավական բարդ կլինի,- ասել է Ալվեսը:
