«Չելսին» չի պատրաստվում ձմեռային տրանսֆերային պատուհանի ընթացքում «Բարսելոնային» վաճառել Դավիդ Լուիզին:
Ընթացիկ մրցաշրջանում Լուիզը տեղ չի գտնում «Չելսիի» հիմնական կազմում, ինչի պատճառով խոսվում է, որ Բրազիլիայի հավաքականի 26-ամյա ֆուտբոլիստը կտեղափոխվի «Բարսելոնա» կամ «Բավարիա»:
Սակայն «կապույտների» գլխավոր մարզիչ Ժոզե Մոուրինյոն չի պատրաստվում բաժանվել Լուիզից: Սպասվում է, որ «Կրիստալ Փելեսի» դեմ այսօրվա խաղում Դավիդը կլինի Մոուրինյոյի հայտացուցակում:
-Ամեն ինչ շատ պարզ է: Լուիզը մեր ֆուտբոլիստն է և մենք շատ ուրախ ենք նրա վերադարձի համար: Հունվարին տրանսֆերային պատուհանը բաց կլինի, սակայն ես չեմ կարծում, որ մենք նոր ֆուտբոլիստ կգնենք կամ կվաճառենք: Նրա տրանսֆերի հետ կապված ոչ մի խոսակցություն չի եղել,- Մոուրինյոյի խոսքերն է մեջբերում Sky Sports-ը:
