«Լեսթեր Սիթին» պաշտոնապես հայտնել է «Քուինս Պարկ Ռեյնջերսի» 27-ամյա պաշտպան Դենի Սիմփսոնին գնելու մասին:
«Մանչեսթեր Յունայթեդի» և «Նյուքասլ Յունայթեդի» նախկին ֆուտբոլիստն «աղվեսների» հետ երեք տարվա պայմանագիր է ստորագրել՝ դառնալով այս շաբաթվա ընթացքում Նայջել Պիրսոնի թիմի երկրորդ նորեկը՝ Էստեբան Կամբիասոյից հետո:
Սիմփսոնը կիրակի օրը «Արսենալի» դեմ Պրեմիեր Լիգայի 3-րդ տուրի խաղին կհետևի որպես հանդիսատես, քանի որ այդ խաղի համար բավական ուշ կայացավ գործարքը:
-Ես շատ ուրախ եմ, որ Դենիի նման ֆուտբոլիստը համալրեց մեր շարքերը: Մեր թիմում առողջ մրցակցություն կա, և նա միայն կավելացնի այն,- ասել է Պիրսոնը:
