«Մանչեսթեր Յունայթեդի» գլխավոր մարզիչ Դևիդ Մոյեսը կարծում է, որ իր թիմը Չեմպիոնների Լիգայի այս մրցաշրջանում կարող է հաղթող դառնալ:
Երեքշաբթի երեկոյան «կարմիր սատանաներին» հաջողվեց նվազագույն հաշվով հաղթել «Շախտյորին» և խմբից առաջին տեղով դուրս գալ 1/8-րդ եզրափակիչ:
Մոյեսն, ի տարբերություն «Չելսիում» իր գործընկեր Ժոզե Մոուրինյոյի, իր թիմին դուրս չի թողնում առաջնության գլխավոր ֆավորիտների շարքից:
-Ես կարծում եմ, որ մենք հաղթողի գլխավոր ֆավորիտներից ենք: «Մանչեսթեր Յունայթեդի» նման ակումբները պետք է միշտ մտածեն տիտղոսներ նվաճելու մասին:
Սա շատ բարդ առաջնություն է, սակայն մեր ֆուտբոլիստները սովոր են Եվրոպայում հանդես գալուն,- ասել է Մոյեսը: BBC
