«Արսենալի» լեգենդ Թոնի Ադամսը ասել է, որ կարող էր Անգլիայի հավաքականի ավագ Հարի Քեյնին կկանգնեցներ «սիգարը բերանում», եթե նա հակառակորդի պաշտպաններից լիներ:
Նախորդ Աշխարհի առաջնությունում նվաճելով «Ոսկե խաղակոշիկը»՝ Քեյնը դեռ գոլ չի խփել և անկեղծորեն ոչ տպավորիչ հանդիպում էր անցկացնում ԱՄՆ-ի դեմ։
Ադամսը զգում է, որ Քեյնը դադարել է խաղալ հարձակվողի դիրքում՝ չափազանց տարվելով գնդակները հավաքելով և նահանջելով դաշտի խորքերը:
«Անկեղծ ասած, եթե ես պաշտպան լինեի այս աշխարհի առաջնությունում, ես չափազանց ուրախ կլինեի խաղալ Հարի Քեյնի դեմ»:
«Նա չի բացվում քո հետևում և չի փորձում հաղթել քեզ: Նա կապող օղակ է, ով շատ է նահանջում գնդակի հետևից»:
«Մարդիկ կարող են մտածել, որ ես անարդար եմ վարվում Հարիի նկատմամբ, քանի որ ես նաև ասել եմ, որ ավագի թևկապը պետք է խլել նրանից և հանձնել Դեքլան Ռայսին, բայց դա ամենևին էլ այդպես չէ»։
«Մեզ պետք է Հարի Քեյնը, նա աշխարհի լավագույն հարձակվողներից մեկն է, և նրա խաղն ինքնին խոսում է դրա մասին, բայց եթե ես լինեի կենտրոնական պաշտպան Քաթարում, կարող էի սիգարը բերանումս խաղալ նրա դեմ»,- ասել է Ադամսը:
