«Տոտտենհեմի» պաշտպան Էմերսոն Ռոյալը կարող է բաց թողնել այս մրցաշրջանի մնացած հատվածը Բրազիլիայի հավաքականի կազմում ծնկի վնասվածք ստանալու պատճառով:
Հունվարին «Սպորտինգից» Պեդրո Պորրոյի գնումը ստիպեց Ռոյալին բարելավել իր խաղը: Էմերսոնը մի շարք դիտարժան հանդիպումներ անցկացրեց՝ չզիջելով իր տեղը մեկնարկային կազմում։
«Տոտտենհեմի» կազմում իր ելույթներով Ռոյալը նույնիսկ վերադարձավ Բրազիլիայի հավաքական, որտեղ նա չէր հրավիրել ավելի քան մեկ տարի՝ բաց թողնելով Քաթարի աշխարհի առաջնությունը։
Սակայն անցած շաբաթ օրը Մարոկկոյի հետ ընկերական խաղի վերջում 24 ամյա պաշտպանը վնասել է ծունկը և այժմ վիրահատության կարիք ունի։
Football.London-ն ակնկալում է, որ Ռոյալը այլևս չի խաղա այս մրցաշրջանում՝ միանալով Բեն Դեյվիսին, Իվ Բիսումին, Ռոդրիգո Բենտանկուրին և Ռայան Սեսենյոնին «շպորների» հիվանդանոցում:
Ռոյալի բացակայության դեպքում «Տոտտենհեմի» ժամանակավոր մարզիչ Քրիստիան Ստելլինին ստիպված կլինի օգտագործել Պորրոյին աջ կողմում, քանի որ Ջեդ Սփենսը վարձավճարով հանդես է գալիս «Ռենում», իսկ Մեթ Դոհերտիի հետ ունեցած պայմանագիրը խզվել էր դեռ հունվարին:
