«Էվերթոնը» երկար ժամանակով կորցրել է իր հարձակվող Ռոմելու Լուկակուին, ով «Լիվերպուլի» դեմ երեկվա խաղում կոճի վնասվածք ստացավ:
20-ամյա բելգիացին իր թիմակից Գարեթ Բերրի հետ անհաջող բախվելուց հետո փոխարինվեց դեռ առաջին խաղակեսում: Արդյունքում «Էվերթոնը» պարտվեց 4:0 հաշվով:
Լուկակուի ապաքինման համար կարող է երկար ժամանակ պահանջվել: Մերսիսայդցիների գլխավոր մարզիչ Ռոբերտո Մարտինեսը մտվախություն ունի, որ Լուկակուն երկար ժամանակով է շարքից դուրս եկել:
-Մենք պետք է հետազոտենք նրան: Նա շատ ծանր վնասվածք ստացավ: Պետք է սպասել բուժզննման արդյունքներին,- Մարտինեսի խոսքերն է մեջբերում BBC-ը:
