«Մանչեսթեր Յունայթեդի» կիսապաշտպաններ Անդեր Էրերային և Անխել Դի Մարիային հաջողվել է ապաքինվել Պրեմիեր Լիգայում «Չելսիի» դեմ խաղից առաջ:
Երկու ֆուտբոլիստներն էլ ստիպված փոխարինվեցին «Վեստ Բրոմվիչի» դեմ երկուշաբթի օրվա խաղում (2:2): Սակայն երկուսին էլ հաջողվել է վերականգնել ուժերը:
-Անդերը վաղուց է առողջ, իսկ Դի Մարիան խաղից հետո ասաց, որ վնասվածքն այնքան էլ լուրջ չէ, և դա իսկապես այդպես էր: Նա ընդամենը մեկ օր բաց թողեց մարզումները:
Ցավալի է, սակայն ապաքինված այլ ֆուտբոլիստ չունենք: Ես անգամ Կարրիկին ուղարկել եմ Լոնդոն խաղալու փոխարինողների թիմում, քանի որ հինգ ամիս բացակայությունից հետո նրան պրակտիկա է անհրաժեշտ,- վան Գալի խոսքերն է մեջբերում Manchester Evening News-ը:
