«Արսենալի» վինգեր Թեո Ուոլկոտը վերջնականապես լուծել է առողջական խնդիրները և վերադարձել է ամբողջական ծրագրով մարզումներին:
Ինչպես հաղորդում է Goal-ը, 25-ամյա Ուոլկոտն այսօր մարզվել է Պեր Մերտեզակերի, Նաչո Մոնրեալի և Մաթյո Ֆլամինիի հետ:
Հիշեցնենք, որ Թեոն բացակայում է հունվարից, երբ «Տոտտենհեմի» դեմ գավաթային խաղում ծնկի խաչաձև կապանների վնասվածք ստացավ: Սկզբում խոսվում էր ապաքինման վեց ամսվա մասին, սակայն այն երկարաձգվեց մեկուկես անգամ:
Ուոլկոտի մասնակցությունը Պրեմիեր Լիգայում «Հալլ Սիթիի» դեմ խաղին քիչ հավանական է, սակայն հոկտեմբերի 25-ին Թեոն «զինագործների» հետ կուղևորվի «Սանդերլենդ»:
