«Էվերթոնի» դարպասապահ Թիմ Հովարդը պնդում է, որ իր թիմը դեռ հնարավորություն ունի նվաճելու Չեմպիոնների Լիգայի ուղեգիր:
Մի քանի շաբաթ առաջ թվում էր, որ «իրիսկաները» հայտնվել են ճգնաժամի մեջ: Նրանք միավորներ կորցրին Պրեմիեր Լիգայում և դուրս մնացին Անգլիայի գավաթից:
Մինչդեռ Պրեմիեր Լիգայի վերջին երկու խաղերում թիմը հաղթեց «Մանչեսթեր Սիթիին» և «Ստոկին»: «Էվերթոնը» չորրորդ հորիզոնականում գտնվող «Չելսիին» զիջում է ընդամենը չորս միավոր:
-Մենք արդեն շատ մոտ ենք միանգամից մի քանի թիմերի: Մեզ անհրաժեշտ է հաջողություն և մրցակիցների միավորների կորուստ: Հնարավոր է, որ մենք ինքներս բախտի նժարը շրջենք մեր կողմը: Մարդիկ ասում են, որ մեզ համար շատ բարդ է լինելու, սակայն դա հնարավորություն է մեզ համար,- հայտնել է Հովարդը: Sky Sports
