«Լիդսը» և «ՌԲ Լայպցիգը» համաձայնության են եկել Ժան-Կևին Օգուստինի փոխհատուցման հարցում։
Հիշեցնենք, որ նոյեմբերի սկզբին Մարզական արբիտրաժային դատարանը (CAS) պարտավորեցրել էր «Լիդսին» 18,4 միլիոն ֆունտ վճարել «ՌԲ Լայպցիգին»՝ դրանով իսկ ուժի մեջ թողնելով ՖԻՖԱ-ի հունիսին կայացրած որոշումը։
Ժամանակին Էլլանդ Ռոուդի ակումբը հրաժարվել էր գնել Օգուստինին վեց ամիս վարձակալությունից հետո՝ պատճառաբանելով ֆորսմաժորը՝ կորոնավիրուսային պանդեմիայի տեսքով, սակայն ֆուտբոլային պաշտոնյաները համաձայն չէին դրա հետ:
CAS-ի դատավճռից զայրացած՝ «Լիդսը» փորձեց ուղիղ համաձայնության գալ «ՌԲ Լայպցիգի» հետ, և երկուշաբթի օրը «սպիտակները» պաշտոնական հայտարարություն տարածեցին, որ երկու ակումբների միջև վեճը լուծվել է «խաղաղ կարգավորման» միջոցով, որի պայմանները կմնան գաղտնի:
Բացի այդ, Օգուստինը «Լիդսի» կազմում ընդամենը երեք անգամ մտել է փոխարինման 2019/20 մրցաշրջանում, երբ սպիտակները հաղթեցին Չեմպիոնշիփը։ Այժմ Ժան-Կևինը խաղում է «Բազելում»:
