«Լիվերպուլը» համաձայնության է եկել «Բավարիայի» կիսապաշտպան Ռայան Գրավենբերխի հետ:
Ինչպես հաղորդում է Sky Sports-ը, «Բավարիան» համաձայնել է Գրավենբերխին բաց թողնել «Լիվերպուլ» 40 միլիոն եվրո փոխհատուցման դիմաց (34,2 միլիոն ֆունտ):
Երեկ երեկոյան Ռայանը մեկնեց «Լիվերպուլ»՝ ուրբաթ օրը բուժզննում անցնելու և մերսիսայդյան ակումբի հետ հինգ տարվա պայմանագիր կնքելու համար։
Գրավենբերխը չի մասնակցել «Բավարիայի» հինգշաբթի օրվա մարզմանը` սպասելով «Լիվերպուլ» տեղափոխվելու թույլտվությանը։
21 ամյա հոլանդացին կլինի Յուրգեն Կլոպի չորրորդ նորեկը այս տրանսֆերային պատուհանի ընթացքում՝ Վատարու Էնդոյից, Դոմինիկ Սոբոսլայից և Ալեքսիս Մակալիստերից հետո, ովքեր նույնպես կիսապաշտպաններ են:
«Բավարիան» Գրավենբերխին ձեռք բերեց մեկ տարի առաջ «Այաքսից» 20 միլիոն ֆունտով, ներառյալ բոնուսները: Միևնույն ժամանակ, Ամստերդամի ակումբին իրավունք է վերապահված «Լիվերպուլի» հետ Բունդեսլիգայի չեմպիոնների գործարքի 7,5 տոկոս մասնաբաժին ստանալ:
