Ինչպես հաղորդում են բրիտանական թերթերը, «Լիվերպուլը» քննարկում է «Ռեալի» կիսապաշտպան Խաբի Ալոնսոյին վերադարձնելու տարբերակները:
Իսպանացու պայմանագիրը «արքայական ակումբի» հետ կլրանա 2014թ-ի հուլիսին և կողմերը դեռ չեն կարողացել համաձայնության գալ նոր պայմանագրի շուրջ:
Հաղորդվում է, որ «Լիվերպուլը» պատրաստ է ձեռք բերել Ալոնսոյին, եթե 31-ամյա կիսապաշտպանի և «Ռեալի» միջև համաձայնությունը չկայանա:
Հիշեցնենք, որ Ալոնսոն «Լիվերպուլում» խաղացել է 2004-2009թթ-ին: Խաբին «կարմիրների» մարզաշապիկով անցկացրել է 143 խաղ և դարձել 15 գոլի հեղինակ:
Ֆուտբոլիստի տրանսֆերային արժեքը գնահատվում է € 25 մլն:
